16 мартдан бошлаб Ўзбекистонга келадиган хорижий фуқаролар учун ПЗР-тест бекор қилинди

16 мартдан Ўзбекистонда мамлакатга кириш учун мажбурий ПЗР-тестдан ўтиш талаби бекор қилинди. Ушбу қоида фақат COVID вакцинасини олганлиги ҳақида сертификатга эга бўлган чет эл фуқароларига тааллуқли. Бу ҳақда “Спутник” нашри ёзади.

Кирувчи шахсларнинг паспортлари/эмлаш сертификатлари бўлмаган тақдирда, кирувчи шахс 72 соатдан ортиқ бўлмаган муддатда салбий ПЗР тест натижаларига (электрон ҚР коди билан) эга бўлиши ёки ҳудудга келганида экспресс тестлардан ўтиши керак.

Шунингдек Қозоғистон билан чегарадаги барча ер усти ўтказиш пунктлари орқали Қозоғистон Республикаси фуқаролари ва Ўзбекистон Республикаси фуқароларининг эркин ўтишига қўйилган барча чекловлар олиб ташланди.

Тожикистон билан чегарадаги ер усти ўтказиш пунктлари орқали барча шахсларнинг ҳаракатланишига қўйилган вақтинчалик чекловлар бекор қилинди. Барча чегара пунктларини қайта очиш чоралари кўрилмоқда.

Бундан ташқари, хорижий фуқаролар учун электрон визалар (е – виза) бериш тизими ҳам тикланмоқда. Шу билан бирга, Ташқи ишлар вазирлигининг ишончли алоқа канали – хорижлик сайёҳларга сифатли хизмат кўрсатиш бўйича Колл-маркази фаолияти ҳам йўлга қўйилади.