8 нафар пара ўзбекистонлик пауерлифтингчилар Паралимпия ўйинларида қатнашади

Халқаро Паралимпия қўмитаси пара пауерлифтинг бўйича “Париж-2024” ёзги Паралимпия ўйинларига лицензия берувчи якуний рейтингни эълон қилди.

Лицензиатлар орасидан 8 нафар ўзбекистонлик пара пауерлифтингчи жой олди. Бундан аввал бўлиб ўтган Паралимпия ўйинларида Ўзбекистон делегацияси таркибида 3 нафардан ортиқ пара пауерлифтингчи иштирок этмаган эди.

“Париж-2024” ёзги Паралимпия ўйинларида Ўзбекистон шарафини ҳимоя қиладиган пара пауерлифтингчилар:

Аёллар:

1. Ақидахон Ахтамова
2. Дурдона Тўраева
3. Рухшона Ўктамова
4. Рўза Қўзиева
5. Қудратой Тошпўлатова

Эркаклар:

1. Бекзод Жамилов
2. Ҳусниддин Усманов
3. Илҳом Ҳалимов

Маълумот учун, “Париж-2024” ёзги Паралимпия ўйинларининг пара пауерлифтинг мусобақалари 4-7-сентябрь кунлари бўлиб ўтади.