“Аэрофлот” авиакомпаниясининг самолёти шошилинч Тошкентга қўнди

SHOT хабарига кўра, Бангкокдан Екатеринбургга учаётган Airbus A330 самолётида кўнгилсиз ҳодиса рўй бергани сабабли самолёт Тошкент аэропортига фавқулодда қўндирилди. Йўловчилардан бири, 59 ёшли эркак соғлиғининг кескин ёмонлашганини ҳис қилган, у тахминан юрак хуружига учраган, бу эса экипажни Тошкентга фавқулодда қўнишга мажбур қилган. Ерда йўловчини тез ёрдам машинаси кутиб олган ва дарҳол республика шифохонасига етказган. Унинг рафиқаси бортда қолиб, Екатеринбургга саёҳатни давом эттиришга қарор қилган.

Бир соат ўтгач, экипаж парвозни давом эттиришга ҳозирлик кўраётиб учиш-қўниш йўлаги томонга кетаётган пайтда яна бир йўловчи ўзини ёмон ҳис қилган. Airbus орқага бурилиб, яна тўхташ жойига қайтган ва аёлни шифокорларга топширган. Тез орада самолёт Уралга саёҳатини давом эттирган.