Алишер Қодиров Нукусдаги намойишларнинг мингдан зиёд иштирокчиси “яхши ният намойиши” сифатида қўйиб юборилганини маълум қилди

Қонунчилик палатаси спикерининг ўринбосари, Қорақалпоғистондаги воқеаларни тергов қилиш бўйича комиссия аъзоси Алишер Қодиров Қорақалпоғистонда мингдан ортиқ инсон айбсиз бўлгани учун эмас, яхши ният намойиши сифатида қўйиб юборилган. Бу ҳақда сиёсатчи ўзининг телеграм-каналида маълум қилди, деб ёзади “Медиазона”.

Бироқ депутат нечта одам ҳамон тергов остида қолаётганига аниқлик киритгани йўқ.

Унинг сўзларига кўра, «Қорақалпоғистонда ҳеч қандай репрессия ва босим йўқ. Тергов ва суриштирув ишлари олиб борилмоқда. Ўхшаш мавзуларда суриштирувлар АҚШ, Қозоғистон, Шри-Ланка, Мянма каби давлатларда ҳам узоқ вақт олиб борилган ва айримларида давом этмоқда, бу жуда табиий ва тўғри», — деб ёзади Қодиров.

Қодиров хабар якунида фуқароларни провокация қилмасликка ва суриштирувга халақит бермасликка чақирган.