Тошкентда “Ғалабанинг 40 йиллиги” бекати қулаб тушди

18 июль куни ижтимоий тармоқларда Яшнобод туманида жойлашган “Ғалабанинг 40 йиллиги” бекати қулаб тушгани ҳақида хабарлар тарқалди. “Тошшаҳартрансхизмат” АЖ Ахборот хизмати ҳолат юзасидан изоҳ берди.

Қайд этилишича, ушбу бекатдан “Тошшаҳартрансхизмат” АЖнинг 2- ва 5-автобус саройи тасарруфида бўлган 11 та автобус йўналиши ҳаракатланади.

Ҳодисага унинг устунлари яхши мустаҳкамланмагани сабаб бўлган. Юқоридаги ҳолат оқибатида ҳеч бир фуқаро ва йўловчига зарар етмаган бўлиб, ҳозирда масъул ходимлар томонидан бекатни қайта қуриш ишлари олиб борилмоқда.