Болалар кукунини тайёрлашда қўлланиладиган талк кукуни саратон касаллигини келтириб чиқаради
Канцерогенлар саратон касалликлари ривожланиш хавфини оширувчи моддалардир. Улар баъзи озиқ-овқат маҳсулотлари, консервантлар, ароматизаторлар, полициклик углеводородлар, азобўёқлар, нитрозаминлар, оғир металл тузлари, алкалоидлар таркибида кўп учрайди.
Энди ушбу рўйхат янада кенгайди. Жаҳон соғлиқни сақлаш ташкилоти ҳузуридаги Халқаро Саратон тадқиқотлари агентлиги (ИАРC) талк кукунини потенциал канцероген моддалар рўйхатига киритди.
Бунинг учун 13 мамлакатдан жалб этилган 29 нафар экспертдан иборат ишчи гуруҳ ўрганишлар олиб борди. Мазкур жараёнда талк кукунидан фойдаланган аёлларда тухумдон саратони билан касалланиш ҳолатлари кўпайгани ҳисобга олинди.
Қолаверса, целлюлоза-қоғоз саноатида хотин-қизларнинг талк билан таъсирланишига қаратилган тадқиқотлар натижалари ҳам таҳлил қилинди. Шу тариқа бу минерал 2А хавф гуруҳига мансуб, деб таснифланди.
Ўз навбатида, талк кукуни билан ишлов берилган тажриба каламушларида хавфли ўсмалар ривожланиши қайд этилган изланишлар хулосалари инобатга олинди.
Маълумот учун талк ер остидан қазиб олинадиган табиий минерал бўлиб, кўпинча болалар кукуни тайёрлашда қўлланилади.
If you have found a spelling error, please, notify us by selecting that text and pressing Ctrl+Enter.
Тавсиялар
Исроил Байрутга зарба берди, “Ҳизбуллоҳ” раҳбариятининг аъзоси ҳалок бўлди – ТАСС
Украина мансабдор шахслар ва ҳарбийларга Telegram мессенжеридан фойдаланишни тақиқлади
Сув тошқинидан жабрланган Марказий Европа мамлакатлари ЕИнинг кўп миллиардли ёрдамини олади
Темир йўл станцияси бошлиғи пора билан қўлга тушди
Ҳокимлик давлат харидларида қонунбузилишига йўл қўйди
USD
EUR
RUB
Шарҳлар