ЕТТБ президенти Ўзбекистонга ташриф буюради

Европа тикланиш ва тараққиёт банкининг (ЕТТБ) президенти Одиль Рено-Бассо 16-18 ноябрь кунлари Ўзбекистонга ташриф буюриб, юқори мартабали ҳукумат вакиллари билан учрашади, хорижий инвесторлар кенгаши ва “Европа Иттифоқи – Марказий Осиё муносабатлари: Global Gateway” мавзусидаги Самарқанд конференциясида иштирок этади. бу ҳақда ЕТТБ матбуот хизмати Anhor.uz нашрига маълум қилмоқда.

Икки кунлик дастур доирасида Президент Рено-Бассо Ўзбекистоннинг юқори мартабали раҳбарияти, жумладан, Президент Шавкат Мирзиёев ва Президент Администрацияси раҳбари, ЕТТБ бош ижрочи директори Сардор Умурзоқов, шунингдек, фуқаролик жамияти вакиллари билан учрашувлар ўтказади.

ЕТТБ президенти хорижий инвесторлар ва Ўзбекистон ҳукумати ўртасидаги мулоқот учун муҳим майдон бўладиган Хорижий инвесторлар кенгашининг биринчи ялпи мажлисига ҳамраислик қилади.

Европа Иттифоқи ва Марказий Осиё алоқалари бўйича Самарқанд конференциясида Президент Рено-Бассо Марказий Осиё ва Европа давлатлари ўртасидаги энг барқарор транспорт алоқаларини аниқлаш зарурлиги ҳақида гапиради, чунки мавжуд савдо йўлаклари геосиёсий воқеалар туфайли бузилган.

2021 йилда ЕТТБ Ўзбекистондаги 22 та лойиҳага қарийб 690 миллион АҚШ доллари (607 миллион евро) миқдорида сармоя киритди ва у кетма-кет иккинчи йил давомида минтақадаги энг йирик банк маблағ олувчисига айланди.

Бугунги кунга қадар ЕТТБ Ўзбекистондаги 119 та лойиҳага 3,78 миллиард евро сармоя киритган.