Халқ депутатлари Тошкент шаҳар кенгаши пойтахтнинг айрим кўчаларида транспорт ҳаракати тезлигини чеклашни тасдиқлади

10 октябрь куни Халқ депутатлари Тошкент шаҳар кенгаши ҳаракат тезлигини соатига 60 км/соатгача чеклаш тўғрисида қарор қабул қилди. Бу ҳақда UzNews нашри ёзади.

Айрим кўчаларда транспорт воситаларининг ҳаракат тезлигини соатига 50 км/соатгача чекланади. Булар жумласига:

• Алишер Навоий;
  • Махтумқули;
  • Амир Темур;
  • Кичик ҳалқа автомобиль йўли;
  • Ислом Каримов;
  • Тарас Шевченко;
  • Бобур;
  • Фурқат;
  • Амир Темур хиёбони айланма йўли.

Шунингдек, келгусида автомобиль тезлигини пасайтириш орқали ЙТҲлар камайишига эришилган тақдирда пойтахтнинг барча кўчаларида тезликни пасайтириши бўйича таклиф киритилади, дейилади хабарда.