Human Rights Watch ташкилоти Қозоғистонни қорақалпоқ фаолларини экстрадиция қилмасликка чақирмоқда

Human Rights Watch халқаро инсон ҳуқуқлари ташкилоти Қозоғистон ҳукуматига мурожаат қилиб, қорақалпоғистонлик фаолларнинг Ўзбекистонга экстрадиция қилинишига йўл қўймасликка чақирди. Бу ҳақда The Village нашри ёзади.

Ушбу мурожаат 13 сентябрдан 5 октябргача бўлган даврда полиция томонидан Алматада қорақалпоқ диаспорасининг тўрт нафар вакили ҳибсга олиниши билан боғлиқ. Улар Ўзбекистон ҳукумати томонидан халқаро қидирувга берилган. Ҳуқуқ ҳимоячиларининг фикрича, ҳибсга олишлар июль ойида Қорақалпоғистонда бўлиб ўтган намойишлар билан боғлиқ.

Ҳуқуқ ҳимоячиларининг сўзларига кўра, агар фаоллар Ўзбекистонга мажбурий қайтарилса, улар қийноқлар ва сиёсий сабабларга кўра жиноий жавобгарликка тортилиш хавфига дуч келишади.

Қозоғистон учун уларни экстрадиция қилиш халқаро ҳуқуқий тақиқни бузиш дегани. Шахсларнинг ҳаёти ёки эркинлиги хавф остида бўлиши мумкин бўлган ёки қийноқларга дучор бўлиши мумкин бўлган шароитларда бирон-бир шахсни экстрадиция қилиш ёки бошқача тарзда мажбурий қайтаришга йўл қўйилмайди.

Human Rights Watch ҳам Қозоғистон расмийларини тўрт қорақалпоқ фаолини имкон қадар тезроқ бошпана излаётган шахс сифатида расман рўйхатга олишга чақирмоқда. Бу мақом билан уларни мажбурий равишда экстрадиция қилинмайди.