Human.uz сайт директори ва бош муҳаррири ҳибсга олингани ҳақида хабар берди (тўлдирилди)

Бугун, 27 январь куни соат 10:00 атрофида Human.uz сайтининг директори Хуршид Далиев, сайт бош муҳаррири Муслим Мирзажонов ва сайтнинг бошқа ходимлари Тошкент давлат аграр университетида жойлашган, ўзини “ҳокимият ходимлари” деб таништирган шахслар томонидан Human.uz сайти офисидан олиб чиқиб кетилди. Бу ҳақда нашр ўзининг Телеграм-каналида хабар берди.

Офис эшиклари мажбуран бузиб очилган ва ҳозирда барча ахборот ташувчи қурилманинг таркиби қидирилмоқда, дейилади хабарда.

Нашр ушбу ходимлар билан боғланишнинг имкони бўлмагани ҳақида хабар беради.

Таҳририят бу ҳолатни мамлакат президенти сиёсатига мутлақо зид ва сўз эркинлигига таҳдид деб ҳисоблайди. Human.uz сайти барча оммавий ахборот воситалари, блогерлар ва ҳуқуқ ҳимоячиларидан ушбу шошилинч хабарни ёритишда ёрдам сўрамоқда.

Бундан ташқари, таҳририят ҳуқуқ-тартибот идораларидан вазият юзасидан расмий изоҳ беришни сўради.

14.22 да тўлдирилди. Human.uz сайти таҳририяти Бош прокуратура ҳузуридаги Иқтисодий жиноятларга қарши курашиш департаментининг Қуйичирчиқ тумани бўлими терговчиси Э.Абламуродов имзоси билан муҳрланган.

“Биз Бош прокуратурадан расмий жавоб сўраймиз”, — дейилади таҳририят хабарида.

Айни пайтда нашрнинг сайти блокировка қилинган.

16.57 да тўлдирилди. Миллий оммавий ахборот воситаларини қўллаб-қувватлаш ва ривожлантириш жамоат фонди Human.uz интернет нашри журналистларининг ҳибсга олиниши билан боғлиқ вазиятдан хавотирда эканликларини билдирди.

“Биз ҳуқуқ-тартибот идораларидан ушбу масала бўйича тушунтиришларни кутамиз ва журналистларнинг хавфсизлиги ва касбий фаолиятига қонуний муносабатда бўлишини таъминлашни талаб қиламиз”, — дейилади хабарда.

Kun.uz сайти ҳуқуқ-тартибот идораларидаги манбасига таяниб, “бу ҳолат юзасидан жиноят иши қўзғатилиб, давлат ташкилотларида ишлаган бошқа шахслар ҳам процессуал тартибда ҳибсга олингани” ҳақида хабар бермоқда.