Наманганда фуқаро ўзига ажратилган ердан бошқа мақсадда фойдаланди

Департаментнинг Наманган вилоят бошқармаси томонидан ўтказилган терговга қадар текширувда фуқаро И.Т. “Сирдарё” дарёсининг Наманган тумани, “Гулдиров” МФЙ ҳудудидан ўтган қисмидаги қирғоқ минтақа еридан терак ва бошқа дов-дарахт кўчатлари экиш учун ажратиб берилган 12,6 гектар ер майдонидан ўзбошимчалик билан фойдаланганлиги аниқланган.

“У ер қаъри бойликларидан фойдаланиш талабларини бузиб, 15,8 минг куб ҳажмдаги қум-шағал ҳом ашёсини қазиб олиб, давлат ва жамият манфаатларига жами 273,3 млн сўм зарар етказган”, – дейилади хабарда.

Мазкур ҳолат юзасидан Жиноят кодексининг 229-моддаси (ўзбошимчалик) билан жиноят иши қўзғатилиб, тергов ҳаракатлари ўтказилмоқда.