Иссиқ сув ёки иситиш билан боғлиқ муаммолар мавжуд бўлса, қаерга мурожаат қилиш керак: ҳаракатлар тартиби ва телефон рақамлари

Нима учун баъзи батареялар қўл куйдиради, бошқалари эса деярли исимайди? Тошкент шаҳрининг иссиқлик таъминоти тизими қандай йўлга қўйилган ва истеъмолчиларни иссиқ сув ва иссиқлик билан таъминлаш масъулияти қандай тақсимланган?

Ушбу тез-тез бериладиган саволларга жавоб бериш учун, биринчи навбатда, Тошкент шаҳрининг бир нечта халқалардан иборат марказлаштирилган иссиқлик таъминоти тизими қандай кўринишини яққол тушунтириш керак:

Иссиқ сув таъминоти (ИСТ) ва иситишнинг қисқариши муаммосини фақат масъулият ҳудудида носозлик юз берган ташкилот ҳал қилиши мумкин.

Қайси ташкилот ва нима учун жавобгар?

Иссиқлик энергиясини етказиб берувчи (“Veolia Energy Tashkent”) ва ижрочи (истеъмолчи) ўртасидаги масъулиятни тақсимлаш “Кўп квартирали уйларда иссиқлик таъминоти хизматларини кўрсатиш қоидалари” (Вазирлар Маҳкамасининг  2014-йил 15-июлдаги 194-сон қарори билан тасдиқланган) билан тартибга солинади.

Кўп квартирали уйнинг цоколи (агар иссиқлик пункти бино ичида жойлашган бўлса) ёки иситиш тармоқлари томондан элевартор узели блокининг кириш клапанлари гардишлари (агар иссиқлик пункти бино ташқарисида жойлашган бўлса), балансли мансублик чегараси ҳисобланади яъни:

• Veolia Energy Tashkent – иссиқлик энергиясини “Тошиссиқликцентраль” ДУК /“Тошкент ИЭС” АЖдан иссиқлик тармоқлари орқали цоколга ёки уйни иситиш учун элеватор узелига етказади;
• Бошқарув компанияси иссиқликни уй ичидаги иситиш тизимлари орқали хонадонларга этказиб беради ва уй ичидаги иситиш тизимларининг тўғри техник ҳолати ва ишлаши учун жавобгардир (профилактика таъмири, назорат қилиш, созлаш, ювиш ва иситиш мосламаларидаги нуқсонларни бартараф этиш);
• Квартира эгалари квартиралар ичидаги иситиш мосламаларининг (радиаторлар, аккумуляторлар) ҳолати ва хизматга яроқлилиги учун жавобгардир.

Шуни эсда тутиш керакки, юқорида кўрсатилган «Кўп квартирали уйларда иссиқлик таъминоти хизматларини кўрсатиш қоидалари»га кўра , хонадон эгаларига уй ичидаги иситиш мосламаларига ўзгартиришлар киритиш тақиқланади. Иссиқ сув таъминоти ҳисобидан «иссиқ пол» тизимини ўрнатиш, радиаторлардаги бўлимларнинг кўпайтириш ва бошқалар каби қоидабузарликлар бошқа квартираларда гидравлик қаршилик ва керакли миқдордаги иссиқлик энергиясининг етишмаслигига бевосита таъсир қилади.

Муаммо қайси томонда эканлигини қандай аниқлаш мумкин?

Аввало, тегишли сифатли иссиқлик энергияси сизнинг уйингизга этиб боришига ишонч ҳосил қилишингиз керак. Буни амалга ошириш учун бошқарув компаниясининг вакилидан балансли мансубликнинг ажратиш нуқтасида ўрнатилган қурилмаларнинг маълумотларини кўрсатишни сўранг (элеватор узелининг кириш клапанлари тагида ёки гардишларида). Улар қуйидагича бўлиши керак:

• ҳарорат 50 C дан 75 C гача;
• олиш нуқтасида иссиқ сув таъминоти тизимидаги босим 0,03 МПа (0,3 кгс/ см²) дан 0,45 МПа (4,5 кгс/ см²)гача.

Агар кўрсаткичлар нормал бўлса, Veolia Energy Tashkent уйни тегишли сифатли иссиқлик энергияси билан таъминлайди ва сабабни бошқарувчи компания томонидан излаш керак.

Квартиралар эгалари ёки бошқарув компанияси томонидан уй ичидаги иситиш тизимларининг нотўғри ишлаши ёки ўз вақтида техник хизмат кўрсатмаслиги алоҳида хонадонларда, алоҳида кириш жойларида ёки бутун уйнинг миқёсида иссиқлик таъминотида узилишларга олиб келиши мумкин.

Асбоблар кўрсаткичлари стандартларга жавоб бермаса нима қилиш мумкин?

Бундай ҳолда, “Veolia Energy Tashkent” туман бўлимига ариза билан мурожаат қилиш зарур. Инспектор вазият бўйича кейинги иш учун параметрларни кўрсатувчи далолатнома тузади.

Агар иситиш тизими ёки иссиқ сув бутунлай ўчирилган бўлса, нима қилиш керак?

Ўчириш асосий қувур линиясидаги авария туфайли бўлиши мумкин. Бундай ҳолда,  Veolia Energy Tashkent расмий Telegram-каналини текширишингиз керак. Бу ерда иссиқлик етказиб берувчи форс-мажор ҳолатлари ҳақида хабар беради ва иситиш ва иссиқ сув таъминотини тиклаш вақтини кўрсатади.