Яшил технологиялар барқарор ривожланиш кафолати

«Ўзбекистон  бизнеси учун барқарор ривожланиш ва яшил технологиялар» – бу мавзу журналистлар, блоггерлар, тадбиркорлар ва яшил иқтисодиёт ва муқобил энергия манбалари соҳасидаги экспертларни бирлаштирган Café Scientifique форматидаги учрашувга бағишланган. Тадбир Замонавий журналистикани ривожлантириш маркази (МЖДC) ва Ўзбекистондаги Европа тикланиш ва тараққиёт банки (ЕТТБ) ҳамкорлигида ташкил этилди.

Фото: Бобур Каримов / www.anhor.uz

ЕТТБ Ўзбекистонда тажрибали маслаҳатчиларни жалб қилиш, бундай хизматлар нархининг бир қисмини қоплаш мақсадида «ЕТТБнинг грант субсидиялари»дан фойдаланиш орқали ўз фаолиятини яхшилаш ва бизнесини ривожлантиришга қодир бўлган кичик бизнесни қўллаб-қувватлаш мақсадида «Ўзбекистонда Кичик бизнес учун маслаҳатлар» дастурини амалга оширмоқда. “Яшил” энергия самарадор технологиялар, рақамлаштириш, аёллар тадбиркорлиги устувор йўналиш ҳисобланади. Ҳозиргача ЕТТБ Ўзбекистондаги кичик ва ўрта бизнес учун консалтинг лойиҳаларини қўллаб-қувватлаш учун икки миллион евродан ортиқ донор маблағларини йўналтирди. Банк инвестицияларига келсак, 2022-йилда қарийб 900 миллион долларлик йиллик лойиҳаларнинг 67 фоизи яшил бўлган.

Дастурнинг энергетика бўйича маслаҳатчиси Темур Аҳмедов иштирокчиларга «яшил технологиялар» ва уларни амалиётга татбиқ этиш йўллари ҳақида гапириб берди. Иштирокчилар амалий тажриба ва муваффақиятли яшил лойиҳалар намуналари билан танишдилар. Ушбу мавзуни йиғилиш иштирокчиларига Дастур раҳбари Шерзод Акбаров очиб берди.

Фото: Бобур Каримов / www.anhor.uz

«Ушбу учрашув кичик бизнес учун яшил технологиялар билан боғлиқ масалаларни муҳокама қилиш учун ўзига хос платформадир. Биз ушбу йўналишнинг Ўзбекистон учун долзарблигини кўрмоқдамиз ва нашр этилган контентнинг тўлиқлиги, ишончлилиги ва сифатига таъсир этувчи маълумотларни олишда журналистларга ёрдам беришга, шунингдек уларни ҳудудлардаги  медиаларда хабарлар эълон қилишга сабаб бўлиши мумкин бўлган “яшил” йўналишидаги тадбирларга таклиф қилишга тайёрмиз», – деди Шерзод Акбаров.

Халқаро молия институтлари томонидан кичик бизнес ва тадбиркорликни қўллаб-қувватлаётгани нафақат уларнинг ривожланиши, балки ҳавога чиқаётган иссиқхона газлари миқдорини камайтиришда ҳам муҳим аҳамиятга эга. Турли тармоқларда экологик тоза энергия ва ресурс ечимларини илгари суриш Европа тикланиш ва тараққиёт банкининг Ўзбекистондаги фаолиятининг стратегик устувор йўналишларидан биридир.

Фото: Бобур Каримов / www.anhor.uz

ЕТТБ корхоналарнинг энергия тежаш салоҳиятини рўёбга чиқаришга ёрдам беради ва энергия самарадорлигини оширишга ёрдам беради. Европа тикланиш ва тараққиёт банки хусусий сектор билан ҳамкорликга урғу бериб, лойиҳаларга сармоя киритади, давлат сиёсати бўйича мулоқот олиб боради ва уларга техник ёрдам кўрсатади. Ўзбекистондаги кичик корхоналар Яшил иқтисодиётни молиялаштириш фондига (ГEФФ) кириш имконми орқали энергия самарадорлиги ва қайта тикланадиган энергияга сармоя киритишлари мумкин. Ушбу Механизм доирасида ЕТТБ Ўзбекистондаги ҳамкор банклари орқали кичик ва ўрта корхоналар ва корпорацияларга иссиқхона газлари чиқиндиларини камайтирадиган яшил технологияларга, шунингдек, иқлим ўзгаришига мослашиш ва оқибатларини юмшатиш технологияларига сармоя киритиш учун кредитлар ажратади.