Жиззахда Damas ҳайдовчиси 14 нафар йўловчини ташигани аниқланди

Жиззах вилоятида ҳайдовчилик гувоҳномасига эга бўлмаган Damas ҳайдовчиси 14 нафар йўловчини (автомобиль 7 йўловчига мўлжалланган) олиб кетаётгани аниқланган. Бу ҳақда ИИВ Йўл ҳаракати хавфсизлиги хизмати матбуот хизмати хабар берди.

“ЙҲХБ ходимлари томонидан ҳайдовчига нисбатан маъмурий ҳуқуқбузарлик тўғрисида баённома тузилиб, автомашина жарима майдончасига қўйилган”, – дейилади хабарда.

Бу каби қоидабузарликлар Ўзбекистонда кенг тарқалган. Кўпинча болалар боғчаси тарбияланувчилари ҳудудларда Damas’да ташилади. Илгари 20 дан ортиқ болани бундай транспорт воситасида ташишнинг бир неча ҳолатлари қайд этилган эди.