Юздан ортиқ Ўзбекистон фуқароси Қирғизистонга ўтказилмади

Қирғизистон оммавий ахборот воситалари Қирғизистонга кириш қоидаларини бузгани учун 136 нафар Ўзбекистон фуқароси Қирғизистон-Ўзбекистон чегарасидан ўтказилмагани ҳақида хабар беради. Бу ҳақда Миллий хавфсизлик давлат қўмитаси чегара хизмати вакили Мелис Памиров матбуот анжуманида маълум қилган.

Унинг таъкидлашича, мамлакатга киришни рад этиш қонунбузарлик эмас, Ўзбекистон фуқаролари Қирғизистонда 60 кун давомида ҳеч қандай тўсиқларсиз қолишлари мумкин, шундан сўнг улар виза расмийлаштиришлари шарт бўлади.

Қозоғистон фуқароларига нисбатан янги қоидалар 2024 йил сентябридан кучга киради ва 60 кундан кейин улар ҳам Давлат рўйхатга олиш хизматида рўйхатдан ўтишлари керак бўлади.

ТИВ расмий вакили, Консуллик департаментининг учинчи котиби Азамат Калисбеков хорижлик фуқароларнинг бўлиши бўйича худди шундай қоидалар бошқа давлатларда ҳам кенг тарқалганлигини, уларнинг асосий мақсади хорижликларнинг Қирғизистонда узоқ муддат ноқонуний равишда бўлишининг олдини олиш эканлигини таъкидлади. Калисбековнинг қўшимча қилишича, Ўзбекистон билан чегарада киритилмаган фуқаролар қоидаларни четлаб ўтишга ва ўзларининг саёҳати назорат қилинишини қийинлаштирмоқчи бўлишган. У ташриф қоидаларига риоя қилиш ва рухсатномалар олиш зарурлигини таъкидлади.

Рақамли ривожланиш вазирлиги ҳузуридаги Аҳолини рўйхатга олиш департаменти миграция бўлими бош мутахассиси Гулбарчин Турдубоева хорижий фуқароларни рўйхатга олиш тизими ўтган йилга нисбатан ўзгаришсиз қолганини таъкидлади. Унинг тушунтиришича, чет эл фуқароси рўйхатдан ўтишда ўзининг яшаш мақсадини кўрсатиши ва кетиш ва киришда муаммоларга дуч келмаслик учун иш берувчи билан келишувни тақдим этиши керак. Агар чет эл фуқароси мамлакатга визасиз кириш ҳуқуқига эга бўлмаса, у Қирғизистондан ташқарида бўлса ҳам электрон визага мурожаат қилиши мумкин, дея қўшимча қилди “МЦР” вакили.

2023 йил октябрь ойида чет эл фуқароларининг Қирғизистонда бўлиш қоидалари ўзгартирилди. Агар хориж фуқароси мамлакатда 60 кун рўйхатдан ўтмасдан қолса, у бу муддат ичида виза олиш учун ариза топшириши ёки мамлакатни тарк этиши керак ва Қирғизистонга фақат 60 кундан кейин яна кириши мумкин бўлади. 90 кун давомида визасиз кириш ҳуқуқига эга бўлган фуқаролар учун бўлиш муддати «90/180» тамойили бўйича ҳисобланади.