Марказий сайлов комиссияси Надеждинни қўллаб-қувватловчи имзоларда «ажабланарли хатолар»ни аниқлади

Марказий сайлов комиссиясининг ишчи гуруҳи «Фуқаролик ташаббуси»дан ўз номзодини илгари сурган Борис Надеждин  ва «Россия коммунистлари» раҳбари Сергей Малинковичнинг президентликка номзод сифатида рўйхатдан ўтказиш учун топширган имзолари варақаларида нуқсонлар аниқлади.  Бу ҳақда комиссия раиси ўринбосари Николай Булаев маълум қилади.

У ишчи гуруҳнинг душанба 5 февраль куни, ўтадиган йиғилишига «текширув жараёнлари натижаларини кўрсатиш ва эътироз билдирилган жойлар бўйича баённомалар тақдим этиш» учун уларни таклиф қилишни тавсия қилди.

Булаевнинг сўзларига кўра, имзо тўплаш жараёнида хатоликлар бўлиши табиий; ишчи гуруҳнинг таклифига кўра Марказий сайлов комиссияси ёзувдаги ноаниқликларни ҳисобга олмайди. Аммо айрим камчиликлар «ажабланишга сабаб бўлмоқда»: «Биз бу дунёдан аллақачон ўтиб кетган одамларнинг ўнлаб ва ҳатто бир неча ўнлаб имзоларини кўрганимизда, шу жумладан имзо йиғувчилар томонидан қўлланилган этик нормалар тозалиги борасида савол туғилади. Маълум даражада номзоднинг ўзи бевосита бунга алоқадор», деди комиссия раиси ўринбосари.