Нурафшонда салкам 7 килограмлик чақалоқ туғилди

Тошкент вилояти Нурафшон шаҳар Туғруқ комплексида вазни 6 килограмм 865 грамм бўлган чақалоқ дунёга келди. Бу ҳақда вилоят ССБ Матбуот хизмати хабар қилди.

Чақалоқнинг аҳволи қониқарли деб баҳоланмоқда. Бу аёлнинг иккинчи фарзанди ва у фарзандини кесарча кесиш орқали дунёга келтирилди.

Вилоят соғлиқни сақлаш бошқармаси бошлиғи ўринбосари Феруза Раҳматуллаеванинг маълум қилишича, ҳозирда она ва бола шифокорлар назоратида ва бундай ҳолат Тошкент вилоятида биринчи бор кузатилмоқда.