Оқтошда 56 та кўп йиллик дарахтни кесишдан кўрилган зарар 288 млн сўмни ташкил қилди

Тошкент вилоятининг Бўстонлиқ туманидаги Оқтош қишлоғида 56 та кўп йиллик дарахт кесилиши факти юзасидан Жиноят кодексининг 198-моддаси бўйича (“Экинлар, ўрмонлар, дарахтлар ёки бошқа ўсимликларни шикастлаш ёки йўқ қилиш”) жиноий иш қўзғатилди. Шундай қилиб, вилоят Экология ва атроф-муҳитни муҳофаза қилиш бошқармаси дарахт кесилиши фактини тасдиқлади. Аввалроқ бу ҳақда Podrobno.uz нашрига журналист ва жамоат арбоби Абу-Али Ниязматов сўзлаб берганди.

Туман экология ва атроф-муҳитни муҳофаза қилиш инспекцияси томонидан ўтказилган тергов жараёнида 56 та дарахт, шу жумладан 53 та шумтол, 2 та қора терак ва 1 та қизил дўлана ноқонуний кесилгани аниқланди.

Дарахт кесилиши ҳолати бўйича гувоҳлар иштирокида баённома тузилган. Номаълум шахсларнинг ғайриқонуний ҳаракатлари натижасида ўсимликлар оламига етказилган зарар 288 миллион 792 минг сўмни ташкил қилган. Иш бўйича ҳужжатлар ҳуқуқий баҳо бериш учун прокуратурага тақдим этилди.