Туркияда ота-она қаровисиз қолиб кетган болалар Ўзбекистонга қайтарилди

Хориждаги ватандошларимизга ижтимоий-ҳуқуқий ёрдам кўрсатиш тадбирлари доирасида Туркияда ота-онасининг қаровисиз қолиб кетган 3 нафар вояга етмаган болалар ватанимизга қайтарилишига эришилди, деб хабар бермоқда Ўзбекистоннинг Истанбулдаши бош консулхонаси.

Жумладан, турли сабаблар туфайли ота-онасининг қаромоғидан маҳрум бўлган 16 ёшли ва 6 ёшли 2 нафар қизлар ва 11 ёшли 1 нафар ўғил бола яқин қариндошларининг мурожаатлари асосида Истанбул шаҳридаги Бош консулхонаси, Ўзбекистон Республикаси Ички ишлар ва Соғлиқни сақлаш вазирликлари ҳамкорлигида амалга оширилган чора-тадбирлар натижасида жорий йил 2 октябрь куни масъул ходимларнинг кузатуви остида Тошкент шаҳрига юборилди.

Муассаса ота-оналардан вояга етмаган фарзандларини хорижий давлатларда назоратсиз қолдирмаслик, бефарқ бўлмаган фуқароларимиздан эса чет элда қаровсиз қолиб кетган болажонлар тўғрисида зудлик билан Ўзбекистон Республикасининг хорижий дипломатик ваколатхоналарига хабар беришни сўраб қолди.