ОТБ: Ўзбекистонда йўл-транспорт жароҳатидан кўрилган иқтисодий зарар ЯИМнинг 3,8% ни ташкил қилади

Тошкентда йўл ҳаракати хавфсизлигини бошқариш, режалаштириш ва бошқариш бўйича семинар бўлиб ўтди. Мутахассислар йўл ҳаракати хавфсизлиги ҳолати, йўл-транспорт ҳодисалари оқибатида ўлим ва жароҳатланиш ҳолатларини камайтириш бўйича амалга оширилаётган чора-тадбирлар, йўл ҳаракати хавфсизлигини таъминлаш бўйича миллий сиёсатни ишлаб чиқиш, йўл ҳаракати хавфсизлигини бошқариш бўйича чора-тадбирлар, гуруҳ суҳбатлари каби мавзуларда тақдимотлар ўтказди.

Тадбир оочилишида ОТБнинг Ўзбекистондаги ваколатхонаси директори вазифасини бажарувчи Энрико Пинали қуйидагиларни таъкидлади: «Афсуски, 2021 йилда Ўзбекистон йўлларида 9 мингдан ортиқ киши жароҳатланган, 2,5 мингга яқин киши ҳалок бўлган. Бу барчамиз Ўзбекистонда ҳаракатланиш эркинлигининг қабул қилиб бўлмайдиган кўрсаткичларидир. Йўл ҳаракати оқибатида ўлим ва жароҳатланишнинг ижтимоий ва ҳиссий харажатлари беҳисоб бўлсада, иқтисодий харажатлар ҳам бор. Мутахассисларнинг ҳисоб-китобларига кўра, Ўзбекистонда йўл-транспорт жароҳатларидан келиб чиқадиган иқтисодий зарар миллий ялпи ички маҳсулотнинг 3,8 фоизини ташкил қилади. Бу йиллик харажатлар фаровон, инклюзив, чидамли ва барқарор давлат яратишга қаратилган саъй-ҳаракатларни инкор этади», – дея қайд этади у.

Шу йилнинг 22-26 август кунлари ОТБ эксперт миссияси Ўзбекистонда янги ташкил этилган Йўл ҳаракати ҳавфсизлигини таъминлаш бўйича Республика махсус комиссияси фаолиятини қўллаб-қувватлаш мақсадида Тошкент шаҳрида бўлади. Республика махсус комиссияси йўл ҳаракати хавфсизлиги сиёсатини амалга ошириш учун 2022 йил апрель ойида ташкил этилган.