Қозоғистон қутқарувчилари иккита автобусни эвакуация қилди, йўловчилар орасида ўзбекистонликлар ҳам бор
Қозоғистон Фавқулодда вазиятлар вазирлиги 72 нафар автобус йўловчиси об-ҳаво ёмон бўлган йўналишлардан эвакуация қилинганини маълум қилди. Хусусан, 2023 йил 11 январь куни Самара-Чимкент автомобиль йўлининг 1153-километрида, Ирғиз районидан 20 км узоқликда йўлда йўловчи автобуси тургани ҳақида маълумот келиб тушган.
“Автобусда 3 нафар Қозоғистон ва 38 нафар Ўзбекистон Республикаси фуқароси бўлган. Ноқулай об-ҳаво туфайли йўлнинг ёпилиши муносабати билан барча йўловчилар Ирғиз қишлоғидаги ўрта мактабга жойлаштирилди”, — дейилади Фавқулодда вазиятлар вазирлигининг хабарида.
Шу куни Айтекебий районида, Самара-Чимкент автомобиль йўлининг 968-километрида, Қорабутоқ қишлоғидан 2 км узоқликда, йўловчи автобуси учун ҳам ёрдам зарурлиги ҳақида маълумот келиб тушган. Автобусда жами 31 нафар Ўзбекистон Республикаси фуқароси бўлган.
Ёмон об-ҳаво ва йўл ёпилиши сабабли барча йўловчилар Қорабутоқ қишлоғи масжидига жойлаштирилган.
If you have found a spelling error, please, notify us by selecting that text and pressing Ctrl+Enter.
Тавсиялар
Россия Днепрга отган янги “Орешник” ракетаси тўғрисида нималар маълум?
“Биз Россия билан уруш қиляпмизми?” —радио тингловчилар бу ҳақда Буюк Британия бош вазиридан сўрашди
АҚШ махсус хизматлари мамлакатнинг мудофаа корхоналарида қўпорувчилик ҳаракатлари содир этилишидан хавотирда
Орбан Халқаро жиноий суднинг Нетаньяхуни ҳибсга олишга берган ордерини “беадаблик” деб атади
Ослода АҚШ элчихонасининг қўриқчиси Россия ва Эрон фойдасига жосуслик қилишда гумон қилиниб ҳибсга олинди
USD
EUR
RUB
Шарҳлар