Петербургдаги омборлардан бирида ўзбекистонлик фуқаро пресс остида қолиб ҳалок бўлди

Санкт-Петербургдаги омборлардан бирида 26 ёшли Ўзбекистон фуқаросининг ҳаётига зомин бўлган  фожиа юз берди. У 6 сентябрь куни эрталаб соат 10:00 да тигель пресси остига тушиб кетиб ҳалок бўлган.

Дастлабки маълумотларга кўра, марҳум расман ишламаган ва миграция рўйхатида турмаган. Воқеа жойига борган тергов гуруҳи ишчининг жасадини топган, ўлимнинг аниқ сабабини аниқлаш учун жасад ўликхонага юборилган.

Ҳозирда ишлаб чиқаришдаги бахтсиз ҳодиса юзасидан тергов ҳаракатлари олиб борилмоқда. Ҳуқуқ-тартибот идоралари “иш вақтида хавфсизлик қоидаларини бузиш” моддаси бўйича жиноий иш қўзғатиш имкониятини кўриб чиқмоқда.