Автомашина олиб беришни ваъда қилган шахс фуқароларни 22 000 АҚШ долларга “туширди”

Департаментнинг Қарши шаҳри бўлими томонидан ўтказилган терговга қадар текширувда фуқаро А.Ю. фуқароларга автосалондан шартнома асосида қисқа муддатда автомашина олиб беришини айтиб, 2 нафар фуқарога “Cobalt” ва “Malibu” русумли автотранспорт воситаларини олиб бериши эвазига уларнинг жами 22 000 АҚШ долларини фирибгарлик йўли билан қўлга киритганлиги аниқланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.