Республикадаги 10 182 та таълим муассасасида “Сўнги қўнғироқ” тадбирлари ўтказилади

Республикадаги 10 182 та таълим муассасасида “Сўнги қўнғироқ” байрам тадбирлари ўтказилиши режалаштирилган, деб хабар бермоқда ИИВ Жамоат хавфсизлиги департаменти ахборот хизмати раҳбари Музифа Султонова.

• Бундан ташқари, республика ҳудудида жами 176 та маданият ва истироҳат боғлари мавжуд бўлиб, тадбир куни тахминан 362 512 нафар фуқаролар келиши кутилмоқда.
• Тадбирлар давомида хавфсизликни таъминлашга 13 540 нафар Ички ишлар, 4 740 нафар Миллий гвардия ва 7 817 нафар Фавқулодда вазиятлар ходимлари хизматга жалб этилади.
• Таълим муассасалари ҳамда маданият ва истироҳат боғларида мавжуд видеокузатув камералари тафтишдан ўтказилиб, ҳудудий ички ишлар органлари ва вазирлик ситуацион марказларига интеграция қилиниб, назорат кун-у-тун қилинади.
• Қатнашиш учун ташриф буюрадиган фуқароларни текшириб ўтказиш, объектлар ҳудудига бегона шахсларнинг кириб кетишларига йўл қўйилмаслик чоралари кўрилади.
• Тадбир ўтказиладиган объектларга патруль-пост хизмати нарядларининг йўналишлари кучайтирииб, асосий эътибор таълим муассасаларининг бевосита атроф-ҳудуди ҳамда кириш-чиқиш дарвозалари олдида транспорт воситалари, шунингдек бошқа шубҳали буюм ва предметларни қолдириб кетилишига йўл қўймасликка қаратилади.
• Тадбирлар давомида ҳуқуқбузарлик ва жиноятчиликнинг олдини олиш борасида кўча ва жамоат жойлари, кўнгилочар жойлар, кафе-барларда ўқувчилар гуруҳ-гуруҳ бўлиб “Битирув оқшомлари”ни ўтказиши ҳамда чўмилиш ҳавзаларига боршини олдини олиш чоралари кўрилиб, патруль-пост хизмати нарядларининг йўналишлари яқинлаштирилади.