Россия ва Ўзбекистон реабилитация индустриясини ривожлантириш тўғрисида меморандум имзолади

3 сентябрь куни Ўзбекистоннинг Россиядаги элчихонасида РФ ТИБ раиси ўринбосари Даниил Алгулян ва Ўзбекистон Бош вазирининг инвестициялар ва ташқи иқтисодий алоқалар бўйича ўринбосари – инвестициялар ва ташқи савдо вазири Жамшид Хўжаев ўртасида ишчи учрашув бўлиб ўтди. Унда томонлар мамлакатларнинг икки томонлама сармояларини муҳокама қилдилар. Йиғилишда республиканинг эҳтиёжманд аҳолисини қўл протезлари билан таъминлаш масалаларига алоҳида эътибор қаратилди. 22 сентябрь куни Тошкентда томонлар реабилитация индустриясини ривожлантириш бўйича меморандум имзолади.

Ҳужжат 2026 йилгача Россия ва Ўзбекистон ўртасида реабилитация индустриясини ривожлантиришга бағишланган. Биринчи босқич 18 ёшгача бўлган болаларни функционал протез қўллар билан таъминлашни, кейингиси – 18 ёшдан ошган катталар учун реабилитация дастурининг тўлиқ циклини кейинчалик ишга туширишни ўз ичига олади. Ўзбекистонда ишлаб чиқаришни маҳаллийлаштириш имкониятлари кўриб чиқилмоқда.

Россиянинг функционал протезларни ишлаб чиқарувчи «Моторика» компанияси Тиббий ва ижтимоий хизматларни ривожлантириш агентлиги билан учрашувда республикада реабилитация индустриясини модернизация қилиш масалаларини муҳокама қилди. Ўзбекистон Республикаси аҳолисини ижтимоий ҳимоя қилиш стратегиясига кўра, ногиронлиги бўлган шахсларни замонавий протез-ортопедия буюмлари билан таъминлаш, 2030 йилгача эҳтиёжмандлар учун уларнинг эҳтиёжини тўлиқ қоплаш дастурини ишга тушириш режалаштирилган.

“Моторика” ўзининг техник реабилитация ускуналари қаторини, тўлиқ циклли реабилитация дастурини ва бошқариш кўникмаларини ривожлантириш тизимини, шунингдек, кибер-қўллар орқали тегиниш ҳиссиётларини узатиш соҳасидаги ишланмаларни тақдим этди. Бундан ташқари, республика протез-ортопедия саноати мутахассислари юқори функционал протезларни ўрнатиш бўйича ўқитилди. Компания республиканинг икки нафар ёш резидентини протезлар билан таъминлади: 5 ёшли бола учун фаол тортиш протези ва 15 ёшли ўсмир учун бионика.