Санкт-Петербургда 31 январга ўтар кечаси “Невский Мазут” заводи ҳудудига ҳаво ҳужумидан мудофаа тизимлари томонидан уриб туширилган дрон қулаб тушди, деб ёзади «Фонтанка».

«Фонтанка» маълумотларига кўра, дрон Колпино устида соат 4:20 да С-400 зенит-ракета мажмуаси томонидан урилган. Бироқ дрон парвозини давом эттирган ва фақат ярим соатдан кейин Глухоозерское шоссесида завод ҳудудига (Колпинодан 20 километр узоқликда) қулаган.

“Дастлабки маълумотларга кўра, жиддий ёнғин содир бўлмаган; учта бўш цистерна тезда ўчирилган”, деб ёзади “Фонтанка”. Кейинроқ нашрнинг хабар беришича, дрон қолдиқлари “Невский Мазут” ҳудудида турган машиналарни шикастлаган.

Газета, шунингдек, Пулково аэропорти 03:53 дан 05:11 гача бўлган даврда рейсларни қабул қилиш ва жўнатишни тўхтатганини таъкидлайди.

Санкт-Петербург губернатори Александр Бегловнинг хабар беришича, 31 январга ўтар кечаси Глухоозерское шоссеси ҳудудида яшовчи одамлар “қаттиқ қарсиллаш” товушини (Россия расмийлари портлашларни шундай атайди — “Медуза” эслатмаси) эшитишган. “Невский туманидаги саноат майдончасида ҳуқуқ-тартибот идораларининг эътиборини талаб қилган воқеа юз берди. Жабрланганлар йўқ. Мулкка жиддий зарар етмаган”, – дейди Беглов.