Санкт-Петербургдан Самарқандга учган самолёт Ақтўбега фавқулотда қўнди
![](https://anhor.uz/wp-content/uploads/2023/11/photo_2023-11-29_15-44-45.jpg)
Санкт-Петербургдан Самарқандга учган самолёт Ақтўбега фавқулодда қўнишни амалга оширди, деб хабар бермоқда “Uzbekistan Airports” матбуот хизмати.
“Qanot Sharq маҳаллий авиакомпаниясининг Санкт-Петербург — Самарқанд йўналишида парвоз қилаётган HH786 рейси йўловчилардан бирининг соғлиғи ёмонлашган. Шу сабабли самолёт Ақтўбе вилояти (Қозоғистон) халқаро аэропортидаги муқобил аэродромга қўнишга мажбур бўлан”, – дейилади хабарда.
Экипаж борт олдига тез ёрдам машинасининг келишини сўраган. Самолёт Тошкент вақти билан соат 14:48 да Ақтўбега қўнган. У яқин вақт ичида Самарқанд аэропортига учиб кетиши режалаштирилмоқда.
If you have found a spelling error, please, notify us by selecting that text and pressing Ctrl+Enter.
Шарҳлар