Қўшма Штатлар Путин кортежи ташувчисининг раҳбарига қарши санкциялар жорий қилди

АҚШ Молия вазирлигининг Хорижий активларни назорат қилиш бошқармаси (OFAC) “224-парвоз отряди” давлат компанияси директори Владимир Михейчик ва унинг самолётларига нисбатан санкциялар жорий қилди.

Ҳарбий транспорт авиацияси қўмондонлигининг учта самолёти чекловларга дуч келди: борт рақамлари RF-78757, RF-82011 ва RF-86898 бўлган Ил-76МД, Ан-124 ва Ил-76.

“224-парвоз отряди” Мудофаа вазирлигига қарашли бўлиб, Россия президенти Владимир Путин кортежларини ташиш билан шуғулланади. Авиакомпания низомига кўра, унинг самолётлари паст ва ўта паст баландликдан юк десантини амалга ошириш ҳуқуқига эга. Ташувчининг асосий мижози Россия Президенти маъмурияти ҳисобланади.

Ўтган йилнинг май ойида 223-ва 224-чи парвоз отрядлари “Вагнер” ХҲК ходимлари ва жиҳозларини ташигани учун АҚШ томонидан блокловчи санкциялар остида қолди. Биринчи отряднинг 37 та ва иккинчисининг 41 та самолёти қора рўйхатга киритилган.

Ашулук полигони Россиянинг ҳаво мудофаа тизимлари, жумладан С-300, С-400 “Триумф”, С-500 Прометей ва “Панцир-С” ЗРК каби ҳаво мудофаа тизимларининг асосий синов майдончаси ҳисобланади. Шунингдек, бу ерда зенит-ракета кучларини тайёрлаш маркази жойлашган ва МДҲ давлатлари ҳаво ҳужумидан мудофаа кучларининг «Жанговор ҳамдўстлик» машғулотлари ўтказилади.