Сурхондарёда аҳоли йўлни тўсиб қўйди
Сурхондарё вилоятининг Жарқўрғон туманида шанба куни маҳаллий аҳоли, хусусан аёллар 4Р-100б автомобиль йўлининг таъмирталаб аҳволига мутасаддиларнинг эътиборини қаратиш учун уни тўсиб қўйди. Бу ҳақдаги видеолар ижтимоий тармоқларда пайдо бўлди, деб ёзади «Газета.uz».
Видеолардан бирида асосан аёллар йўлни турли буюмлар билан тўсиб қўйгани, иккинчисида эса ҳуқуқ-тартибот идоралари ходимларининг аҳоли билан суҳбати акс этган.
Ҳолатга вилоят ҳокимлиги матбуот хизмати расмий муносабат билдириб, 4Р-100б автомобиль йўлининг 0−11 км қисми 2023 йил 1 чорагида таъмирланиши белгиланганини айтди.
Маълум бўлишича, йўлнинг юк кўтариш қобилияти бир ўққа тушадиган тегишли меъёрий оғирликдан оғир бўлган юк автомобилларининг мунтазам равишда ҳаракатланиши оқибатида йўл таъмирталаб ҳолатга келиб қолган.
Ҳозирда Жарқўрғон туман Йўллардан фойдаланиш унитар корхонаси «бор куч ва воситаларни ишга солган ҳолда» биринчи навбатда ушбу автомобиль йўлида транспорт воситаларининг ҳаракат хавфсизлиги ва узлуксизлигини таъминлаш чоралари кўряпти, масала Сурхондарё вилояти автомобиль йўллари Бош бошқармаси томонидан назоратга олинди, дейилади хабарда.
If you have found a spelling error, please, notify us by selecting that text and pressing Ctrl+Enter.
Тавсиялар
Қозоғистонда 1500 дан ортиқ ўзбекистонлик фуқаро меҳнат қилмоқда
Мудофаа вазирининг ўринбосари Тимур Ивановнинг ҳибсга олиниши экспертлар орасида кенг муҳокамани келтириб чиқарди
Россия Хитой учун газни арзонлаштирмоқчи
ЕИ Россия тарғиботига қарши янги санкцияларни тайёрламоқда
Украинадаги уруш “фахрийси” урушга қарши қарашлари учун 15 ёшли ўсмирга отиб ташлаш билан таҳдид қилган
USD
EUR
RUB
Шарҳлар