Тошкент вилоятида ташландиқ ҳовлида яшаётган шерлар оиласи топилди

Тошкент вилоятида Mehr va oqibat ташкилотининг ходимлари ҳамда Экология ва атроф-муҳитни ҳимоя қилиш бошқармасининг инспекторлари ташландиқ ҳовлида шерлар оиласини топган. Хабарда айтилишича, иккита катта шер ва шер боласи кичкина ва қоронғи хоналарда яшамоқда. Фаолларнинг сўзларига кўра, шер боласига ветеринар ёрдами керак – унинг бир кўзи парда билан қопланган. Бу ҳақда “Медиазона” ёзади.

Шерларнинг эгалари ҳайвонларни икки йил олдин Андижон ҳайвонот боғидан сотиб олинганини айтишган. Ҳайвонлар эгасининг турмуш ўртоғи таъкидлашича, уларда ҳамма ҳужжатлар бор, лекин уларни кўрсатишмаган. Аёлнинг сўзларига кўра, у ва эри Красногорскда хусусий ҳайвонот боғини очишга ҳаракат қилишмоқда, аммо унинг учун ер ҳали ажратилмаган.

Ҳайвонот олами ҳимоячилари совуқ тушиши билан жониворлар касалланиши мумкинлигидан хавфсирашмоқда. Уларнинг фикрича, шерларни мос шароитлар яратилгунга қадар Тошкент ҳайвонот боғига олиб бориш лозим.

«Шерлар тўқ бўлиши мумкин, аммо уларнинг яшаш шароити яхшимас, бунинг устига шер боласига ҳам ветеринар кўриги зарур. Ҳайвонот боғи очилса ҳам ҳозир шерларни боқишга бор маблағини сарфлаётган оила аъзолари бундан қандай фойда кўриши мумкин? Масалан, Навоийдаги ёпиқ ҳайвонот боғига кириш 5 минг сўмни ташкил қилган. Албатта, бундай даромадга ҳайвонлар ва қушларни боқиб бўлмайди», — дея қайд этади фаоллар.

Мавзу бўйича кўринг:

Навоий ҳайвонот боғидаги жониворлар Тошкентга қандай аҳволда олиб келинди