“Toshkent yo’lovchi vagonlarini qurish va ta’mirlash zavodi” AJга нисбатан  молиявий жарима қўлланилди

Рақобат қўмитасининг Тошкент шаҳар  ҳудудий бошқармаси томонидан 2024 йил давлат харидлар соҳасидаги ўрганишлар натижасида, “Toshkent yo’lovchi vagonlarini qurish va ta’mirlash zavodi” АЖ томонидан  махсус ахборот порталлари орқали жами 2.8 млрд сўмдан ортиқ  ўтказилган тендер савдолари юзасидан ўрганиш ишлари олиб борилди, деб ёзмоқда қўмита матбуот хизмати.

“Ўрганишлар юзасидан, Буюртмачи ташкилотга (“Toshkent yo’lovchi vagonlarini qurish va ta’mirlash zavodi” АЖ) “Рақобат тўғрисида”ги Қонунининг 29-моддаси талаблари бузилганлик ҳолати бўйича иш қўзғатилди ҳамда натижаси бўйича молиявий жарима қўллаш юзасидан қарор қабул қилиниб, қонунбузилиш ҳолатларини бартараф этиш ва келгусида йўл қўймаслик бўйича бажарилиши мажбурий бўлган кўрсатмалар берилди”, – дейилади хабарда.

Шунингдек, қонунбузилишга йўл қўйган мансабдор шахсга нисбатан маъмурий баённома расмийлаштирилиб, кўриб чиқиш учун тегишли  тартибда судга жўнатилди.