Тошкентда ўқувчи қизга шилқимлик қилгани учун 66 ёшли мусиқа ўқитувчисига нисбатан жиноий иш қўзғатилди

Тошкентда 66 ёшли мусиқа ўқитувчиси Александр Султонов вояга етмаган ўқувчи қизга нисбатан уятсиз хатти-ҳаракатларда айбланди, деб ёзади “Медиазона” нашри Nemolchi.uz лойиҳасига таянган ҳолда.

Ҳуқуқ ҳимоячиларининг маълумотларига кўра, Султонов икки йил давомида 12 ёшли қизнинг мусиқа бўйича репетитори бўлиб ишлаган. Бу вақт ичида у ўқувчига бир неча марта шилқимлик қилган: унинг юзидан ўпган, “унинг ички кийими остига тегинган”, порнографик мазмундаги комиксларни кўрсатган ва жинсий яқинликни таклиф қилган.

“Ёш ўқувчи қиз қўрқувдан қотиб қолган, унинг таклифларини рад этган ва ундан бундай қилмасликни сўраган. У эртами-кечми ўқитувчи бу ҳаракатларни тўхтатади, деб умид қилган, лекин ўзи аллақачон ўз жонига қасд қилиш ҳақида ўйлаётган эди», – дея қайд этади Nemolchi.uz.

19 май куни навбатдаги дарсга келганида Султонов маст ҳолатда бўлган. Жабрланувчи унинг олдига келганида, у уни деворга томонга қисган ва тегина бошлаган. Қиз қаршилик кўрсатиб, қочишга муваффақ бўлган. Қиз воқеа ҳақида ота-онасига айтганидан кейин, унинг оиласи ҳуқуқ-тартибот идораларига мурожаат қилиб, прокуратурага ариза ёзган.

Суд-тиббий экспертизаси қизнинг қўллари ва оёғида “кўп сонли нуқтали қон қуюлишлари” борлигини тасдиқлади, улар жабрланувчи тасвирлаган вақт ва шароитларда юзага келган бўлиши мумкин. Тергов даврига Султонов гаров эвазига озод қилинди.