«Тошшаҳарнур»: Тошкентда кўчани ёритиш тизимидаги чекловлар кундалик электр энергияси сарфини 25% га камайтирди
![](https://anhor.uz/wp-content/uploads/2022/11/sultonbek-ikromov-19qn4kccyto-unsplash.jpg)
16 ноябрдан бошлаб кўча ёритиш тармоқларида қўшимча энергия сарфини чеклаш режими жорий этилди. Бу кунлик электр энергияси сарфини 25 фоизга камайтирди ёки октябрь ойида ўртача кунлик истеъмол 115,9 минг кВт-соат бўлса, ноябрь ойида бу кўрсаткич 87,8 минг кВт-соатни ташкил этди. Бу ҳақда Энергетика вазирлиги “Тошшаҳарнур” ташкилотига таянган ҳолда ёзади.
Натижада кунига 28 100 кВт-соат ёки ойига 843 000 кВт-соат электр энергияси тежалди. Таққослаш учун ушбу тежалган электр энергияси республикадаги 4 400 та хонадоннинг ўртача бир ойлик истеъмолини ташкил этади.
Тошкент шаҳрида умумий ўртача кунлик электр энергияси истеъмоли ўртача 25,7 миллион кВт/соатни ташкил этади, кўчаларни ёритиш бу ҳажмнинг 0,4 фоизини ташкил қилади.
Энергетика вазирлигининг ҳисоб-китобларига кўра, пойтахтда ёритиш ва иллюминация учун энергия сарфи кўрсатилган 25 фоизга камайиши билан, ойига 843 минг кВт/соатга тежаш мумкин, бу 4,400 мингта хонадоннинг ўртача ойлик истеъмолига тенгдир.
If you have found a spelling error, please, notify us by selecting that text and pressing Ctrl+Enter.
Шарҳлар