Тожикистон президенти озиқ-овқат захирасини яратишга чақирди
Тожикстон раҳбари фуқароларини яна икки йиллик озиқ-овқат захираларини яратишга чақирмоқда.
“Сўнгги йилларда мен ҳар доим мамлакатдаги ҳар бир оила икки йилгача зарур озиқ-овқат маҳсулотлари билан таъминланиши кераклигини таъкидлаб келганман”, – деган Имомали Раҳмон ҳар йили Тожикистонда нишонланадиган “Сада” (Боғ) байрами шарафига йўллаган табригида, – деб ёзяпти унинг матбуот хизмати.
Тожикстон раҳбари дунёда иқлим ўзгариши, ижтимоий-иқтисодий вазиятнинг ёмонлашуви бу масалани айниқса долзарб қилиб қўяётганини алоҳида таъкидлаган.
Президент иқлим ўзгариши, аҳоли сонининг кўпайиши, озиқ-овқатга бўлган талаб ортиб бораётгани туфайли дунёда вазият кундан-кунга мураккаблашиб бораётганини гапирган.
Шу нуқтаи назардан, икки йилга мўлжалланган озиқ-овқат захираларини яратиш, унинг фикрича, мамлакат озиқ-овқат хавфсизлигини таъминлашнинг муҳим чорасига айланади.
“Имомали Раҳмон таъкидлашича, бу қарор замонавий дунёда олдиндан айтиб бўлмайдиган вазият, жумладан, эски таъминот занжирларининг қулаши ва озиқ-овқат маҳсулотлари нархининг доимий ошиб боришини чуқур таҳлил қилишга асосланган”, — дейилади матбуот хизмати хабарида.
Президент “Ҳар бир инсон янада кўпроқ меҳнат қилиши, ер-сувдан унумли ва оқилона фойдаланиши, имкон қадар кўпроқ маҳсулот ишлаб чиқариши, миллий стратегик мақсад – мамлакат озиқ-овқат хавфсизлигини муҳофаза қилишга ўз ҳиссасини қўшиши зарур”, – деб таъкидлаган.
“Сада” (Боғ) фестивали 2023 йил 6 декабрда Ботсвана Республикасининг Касане шаҳрида бўлиб ўтган ЮНEСКО қўмитасининг 18-сессиясида Тожикистон таклифи билан Инсониятнинг номоддий мероси реэстрига киритилган.
Шарҳлар