Туркияда Ўзбекистон фуқароси ўз ҳамюртини отиб қўйди

9-апрель куни Истанбул вилояти Фотиҳ туманида вақтинчалик ишлаш учун келган икки нафар Ўзбекистон фуқаролари “Instagram” тармоғига тўппонча билан видео олиб жойламоқчи бўлган пайтида 22 ёшли С.Геббаров ҳонадоши ва ўртоғи У.Раҳматиллоев томонидан отиб қўйилган.

“С.Геббаров бош қисмига олинган ўқ натижасида ўша ерда вафот этган. У.Раҳматиллоев эса маҳаллий полиция томонидан ушланган”, – дейилади хабарда.

У.Раҳматиллоевнинг кўрсатмасига кўра, икки ўртоқ арафа куни биргаликда ифтор қилиб, гаплашиб ўтиришган. С.Геббаров тўппонча билан видео олмоқчи бўлганида У.Раҳматиллоев тўппончани ўқсиз деб ўйлаб билмасдан босиб қўйган.

Вафот этган С.Геббаровнинг жасадини Ўзбекистонга юбориш бўйича ишлар олиб борилмоқда.