UzAuto Motors компанияси утилизация йиғимини қоплаш учун давлат бюджетидан 137,5 млрд сўм олиши мумкин

Олий Мажлис Қонунчилик палатасидаги партия фракциялари 2022 йилги давлат бюджетига ўзгартиришлар киритишни кўриб чиқишга киришди. Бу ҳақда парламент қуйи палатаси депутати Расул Кушербаевга таянган ҳолда «Газета.uz» нашри ёзади.

Унинг сўзларига кўра, Вазирлар Маҳкамаси томонидан 2022 йил охирида шошилинч равишда киритилган қонун лойиҳасида давлат бюджети харажатларини 2 триллион сўмдан ортиққа ошириш кўзда тутилган.

“Энг қизиғи шундаки, қайта утилизация йиғими кимга ва қандай мақсадларга кетаётгани монополист UzAuto Motors утилизация йиғимини тўлаяптими ёки йўқми, деган маълумотлар яширилаётгани фонида давлат бюджетидан утилизация йиғими бўйича харажатларга 224,5 млрд сўм маблағ ажратишни сўраш мантиққа тўғри келмайди. Балки халқ ғазнасидан олинадиган бу пуллар монополист компания ҳисобига ўтказилар”, — деди Расул Кушербоев.

Парламент аъзоси ушбу қонун лойиҳасининг қабул қилинишига “қатъий қарши” гапирди, шу билан бирга кўплаб саволларга берилган жавоблар махфийлигича қолмоқда.

Кейинроқ Расул Кушербаев UzAuto Motors 137,5 миллиард сўм, Самарқанд автомобиль заводи (51,9 фоизи UzAuto Commercial Vehicles Management  компаниясига тегишли бўлган SamAuto) 87 миллиард сўм олишини маълум қилди.

Бюджет хабарида айтилишича, 2021 ва 2022 йилларга мўлжалланган Давлат бюджетида автомобилларни экспорт қилишда утилизация харажатларини қоплаш учун 100 миллиард сўм маблағ ажратиш кўзда тутилган. Uzauto Motors автомобиллари экспортининг 90% дан ортиғи Қозоғистон ҳиссасига тўғри келади (қолган қисми Россия, Украина ва бошқа мамлакатларга тўғри келади). Яъни, қозоғистонликлар, россияликлар ва украиналиклар сотиб оладиган автомобиллар учун тўловни ўзбекистонлик солиқ тўловчилар тўлайди, дейди молиячи Отабек Бакиров.