Хитой экспертлари: Ўзбекистон Президентининг Туркияга расмий ташрифи тарихий аҳамиятга эга

Хитой эксперт ва ишбилармон доира вакиллари Президент Шавкат Мирзиёевнинг 6-июн куни Туркияга буюрган расмий ташрифи якунлари ҳақидаги фикрларини билдирдилар:

Жиангхи Молия ва иқтисодиёт университети профессори, доктор Алберт Там:

Президент Шавкат Мирзиёев раҳнамолигида Ўзбекистонда иқтисодиётнинг барча жабҳалари жадал ривожланмоқда. Фаол ташқи алмашинувлар мамлакатда амалга оширилаётган кенг кўламли ислоҳотларнинг мантиқий давомига айланди.

Ўзбекистон Президентининг Туркияга расмий ташрифи тарихий аҳамиятга эга. Кенг қамровли стратегик шерикликни чуқурлаштириш тўғрисидаги қўшма декларация ва ўзаро ҳамкорликни янада ривожлантириш бўйича кўплаб шартномалар имзоланди. Уларнинг амалга оширилиши икки томонлама ҳамкорликка янги суръат бағишлайди.

Икки давлатнинг савдо-иқтисодий алоқаларни кенгайтириш борасидаги саъй-ҳаракатлари алоҳида эътиборга лойиқдир. Ташриф доирасида етакчилар илк бор етакчи компаниялар раҳбарлари билан қўшма йиғилиш ўтказдилар.

Ўзбекистон-Туркия иқтисодий алоқалари юксак даражада ривожланиб бормоқда. Ўзаро товар айирбошлаш ҳажми ошгани бунинг далилидир.

Кейинги йилларда қўшма корхоналар сони 1,5 баробар, қўшма корхоналар сони 2 баробар, инвестициялар ҳажми 2,5 баробар кўпайди.

Жорий ташриф доирасида 10 миллиард долларлик истиқболли лойиҳалар портфели шакллантирилди.

Бу келишувлар икки мамлакат халқларининг фаровонлигига хизмат қилиши, Марказий Осиё минтақасида ижтимоий-иқтисодий иқлимни яхшилашга ижобий таъсир кўрсатиши шубҳасиз.

 “Миндрай Медиcал” компанияси бош директори Сю Кевен:

— Президент Шавкат Мирзиёевнинг Туркияга ташрифи икки мамлакат ўртасидаги савдо-иқтисодий ва маданий-гуманитар ҳамкорликни янада кенгайтиришга кучли туртки бериши мумкин бўлган муҳим воқеа бўлди.

Давлат раҳбарлари ўзаро товар айирбошлаш ҳажмини 5 миллиард долларга етказиш, етказиб бериш турларини кенгайтириш, саноат кооперациясини чуқурлаштириш, учинчи давлатлар бозорларига биргаликда чиқиш, янги ўсиш нуқталари ва махсус саноат кластерларини яратиш бўйича тизимли ишлар юзасидан муҳим келишувларга эришдилар.

Энергетика, тоғ-кон саноати, электротехника, тўқимачилик, қурилиш, қишлоқ хўжалиги, озиқ-овқат ва фармацевтика саноати, шунингдек, соғлиқни сақлаш, туризм, таълим ва маданият соҳаларида ҳамкорликни сифат жиҳатидан янги босқичга кўтаришга икки томон ҳам интилиш билдирди.

Ўзбекистон-Туркия саноат кластерини ташкил этиш тўғрисидаги келишув катта қизиқиш уйғотмоқда.