Ўзбекистон давлат органларининг коррупцияга қарши курашиш бўйича рейтинги эълон қилинди

Коррупцияга қарши курашиш агентлиги 2023 йилда Ўзбекистон давлат органларида коррупцияга қарши курашиш самарадорлиги рейтингини эълон қилди.

Ўтган йили агентлик томонидан 95 та давлат ташкилоти экспертизадан ўтказилган бўлиб, улардан 59 таси қайта баҳоланган, 36 таси эса биринчи марта текширилган. 81-100 балл тўплаган 42 та орган «яхши», 38 давлат органи «қониқарли» (55-80 балл), 15 давлат органи «қониқарсиз» (55 баллдан паст) балл олди.

Натижаларнинг холислигини ва мустақил баҳоланишини таъминлаш мақсадида фуқаролик жамияти институтлари вакилларидан иборат экспертлар гуруҳи тузилди ва улар Коррупцияга қарши курашиш агентлиги томонидан ўтказилган баҳолаш натижаларини мустақил кўриб чиқиб, хулосалар берди, дейилади хабарда.

Коррупцияга қарши курашиш тизимини яратиш бўйича чора-тадбирларни кўрмаган, жумладан, коррупция хавфини аниқламаган, ишга қабул қилиш, тайинлаш ва давлат харидларида манфаатлар тўқнашувининг олдини олиш ва аниқлаш бўйича чора-тадбирларни амалга оширмаган, алоқа ўрнатмаган шахсларга «қониқарсиз» баҳо берилди.

Энг юқори баллни Кончилик саноати ва геология вазирлиги (94 балл), Марказий банк (93 балл), «Ўзкимёсаноат» акциядорлик жамияти, Техник жиҳатдан тартибга солиш агентлиги (90), «Ўзбекнефтгаз» (90), “Ўзбекистон темир йўллари” (89), Навоий кон-металлургия комбинати (89), Бандлик ва камбағалликни қисқартириш вазирлиги (88), деярли барча давлат банклари, “Ўзбекистон ҳаво йўллари” (87) ва бошқалар олган.