Ўзбекистон мусулмонлари диний идораси мамлакат фуқароларини Россиянинг Украина билан урушида қатнашмасликка чақирди

Ўзбекистон мусулмонлари идораси мамлакат фуқаролари Россия ва Украина ўртасидаги урушда қатнашмасликлари кераклиги ҳақидаги фатвони эълон қилди. Бу ҳақда “Медуза” нашри ёзади.

Ҳужжатда айтилишича, “айрим террористик ташкилотлар вакиллари” «жиҳод» баҳонасида” Россия ва Украинада яшовчи ўзбекларни хунрезликда иштирок этишга чақирмоқда, бироқ “аслида мусулмон ўз ватанини ҳимоя қилишдан ташқари ҳеч қандай жанговар ҳаракатларда, шунингдек, мусулмон бўлмаганлар билан бошқа мусулмон бўлмаган жамоаларга қарши курашишда қатнашиши мумкин эмас”.

Сўз қайси “террорчи ташкилотлар” ҳақида кетаётганига аниқлик киритилмаган.

Бу урушни «жиҳод» дейиш жоҳилликдан бошқа нарса эмас. <…> Балки бу исломда тақиқланган уруш бўлар. Унда иштирок этадиганлар Аллоҳнинг қонунига қарши чиққан шайтон жангчиларидан бўлади. <…> Бундан ташқари, амалдаги қонунчилигимиз хорижий давлатларнинг ҳарбий тузилмаларига, ноқонуний диний ташкилотларга ва террорчилик гуруҳларга аъзо бўлишни тақиқлайди.

Эслатиб ўтамиз, аввалроқ Ўзбекистон прокуратураси бошқа давлат армиясига хизматга кириш жиноий жавобгарликка тортилишига олиб келиши ҳақида огоҳлантирган эди.

20 сентябрь куни Россия Федерацияси Давлат Думаси қабул қилган қонунга кўра ҳарбий хизматни ўташ учун шартнома тузган хорижий фуқаролар соддалаштирилган тартибда Россия фуқаролигини олишлари мумкин.

21 сентябрь куни Россияда сафарбарлик эълон қилинди. Шундан сўнг, Москва расмийлари Сахароводаги меҳнат муҳожирларини вақтинча сақлаш маркази ҳудудида хорижликлар учун ҳарбий рўйхатга олиш бўлими очилганини маълум қилди.

Мавзу бўйича ўқинг:

Россиядаги ўзбекистонлик меҳнат муҳожирлари қандай қилиб урушга ёллашларидан ўзларини ҳимоя қилишлари мумкин