Ўзбекистон ва яна олтита мамлакат Афғонистонда тинчликка эришиш бўйича чораларни муҳокама қилиш учун майдонни яратди
Россия, Хитой, Эрон, Покистон, Ўзбекистон, Тожикистон ва Туркманистон президентларининг махсус вакиллари Тошкентда учрашиб, Афғонистон бўйича дуч келаётган муаммоларни муҳокама қилиш учун мунтазам равишда учрашишни режалаштирди. Бу ҳақда Reuters агентлиги Ўзбекистон Ташқи ишлар вазирлигига таяниб хабар берди.
“Ушбу давлатлар вакиллари Афғонистон Марказий банкининг қайтариладиган пуллари асосан … мактаб ўқитувчилари ва шифокорларининг маошларини тўлаш ва шу билан бирга аҳолининг оғир аҳволда қолган қисмини қўллаб-қувватлашга йўналтирилиши кераклигини таъкидладилар. Шунингдек, Афғонистонда қарийб 25 миллион аҳоли очлик ва озиқ-овқатдан маҳрум эканини алоҳида таъкидладилар”, — деди Ўзбекистон Президентининг Афғонистон бўйича махсус вакили Исматулла Иргашев брифингда.
2021 йилда Афғонистон ҳукумати Толибон томонидан ағдарилганидан кейин Қўшма Штатлар Марказий банкдаги қарийб 7 миллиард долларни музлатиб қўйди, яна 2 миллиард доллар эса Европа банкларида музлатиб қўйилди. Вашингтон маблағларнинг бир қисми оддий фуқаролар манфаати учун жамғармага йўналтирилишини билдирди.
Бирлашган Миллатлар Ташкилоти ўтган ойда Афғонистонда олти миллион одам очликдан ўлиш хавфи остида эканини, аҳолининг учдан икки қисми эса жиддий очлик ва шошилинч ёрдамга муҳтож эканини айтган.
If you have found a spelling error, please, notify us by selecting that text and pressing Ctrl+Enter.
Тавсиялар
Франция Украинага Россия ҳудудига SCALP ракеталари билан зарба беришга рухсат берганини тасдиқлади
Reuters: Украина Курск областида УҚК назорат қилган ҳудуднинг 40% дан ортиғини йўқотди
Украина Энергетика вазирлиги: Жорий ҳафтада ҳужумлар сабабли ЗАЭС икки марта “блэкаут” чегарасида қолди
АҚШ армиясининг собиқ офицери ва Россия тарғиботчиси Скотт Бенетт вафот этди
ДХХ раиси ўзгарди
USD
EUR
RUB
Шарҳлар