Ўзбекистонда музей иши бўйича янги магистрлик дастури ишга тушди

Маданият ва санъатни ривожлантириш жамғармаси ва Самарқанд Ипак йўли халқаро университети музей иши соҳасида янги магистрлик дастури ҳақида эълон қилди. Ушбу янги таълим ташаббуси ўзига хос бўлиб, жамғарманинг ижрочи директори Гаянэ Умерова ташаббуси билан амалга оширилмоқда. Бу ҳақда Anhor.uz нашрига жамғармада маълум қилишди.

Туризм вазири ва Ипак йўли халқаро университетининг ректори Азиз Абдуҳакимов қуйидагиларни қайд этади:

«Ипак йўли халқаро университети санъат соҳасидаги ёш мутахассисларни уларнинг карьерасининг бошланғич босқичларида илгари суришга бағишланган янги дастурларни фахр билан таклиф қилади. Биз Ўзбекистонни Самарқанд, Марказий Осиё ва бошқа мамлакатлар ўртасида муҳим кўприкни яратган ҳолдатоборо оммалашиб бораётган замонавий санъат ва музейларни боғловчи муҳим бўғин ва унинг тарафдори деб ҳисоблаймиз. Шунингдек туризм ва спорт вазирлиги, Маданият ва санъатни ривожлантириш жамғармаси ва Тошкент шаҳар ҳокимлиги нафақат ўзимизнинг, балки қўшни мамлакатларнинг ҳам иқтидорли талабаларига грантлар ва стипендиялар берилади».

Университет ҳудудидаги бўлғуси музей Буюк ипак йўлига, яъни у пайдо бўлган пайтдан бошлаб, бизнинг кунларимизгача бўлган даврга бағишланади. Музей университет ва унинг ўқув дастури билан чамбарчас боғлиқ бўлади, музей ишининг магистрлари эса кейинги авлод санъати соҳасида профессионаллар учун пойдевор яратади.

Ўқув дастурига яқинда тайинланган эксперт-консультант, куратор, педагог ва ёзувчи Сара Реза (дастур директори) бошчилик қилади. У Жеффри Болотен билан бирга санъат педагогикаси, музей тўпламларини яратиш ва кураторлик амалиётининг азалий ихлосманди. Жеффри Болотен эса Лондонда истиқомат қилувчи санъат, савдо ва ҳуқуқ соҳасининг таниқли мутахассиси.

Бўлғуси талабалар бакалавр даражасига ва Самарқанд Ипак йўли халқаро университетида MA Museum Studies дастурига қабул қилингани ҳақидаги хабарномага эга бўлиши лозим.

Ушбу курс санъат соҳасида билимларга эга талабалар учун мўлжалланган бўлишига қарамасдан, жамғарма турли тажрибага эга номзодларни кўриб чиқиш учун очиқ.

Аризаларни онлайн қабул қилиш

Ҳужжатларни юклаш учун ҳавола