Ўзбекистонда пиротехника маҳсулотларининг ноқонуний айланиши учун жазо чоралари кучайтирилади
Сенатнинг 54-ялпи мажлисида пиротехника воситаларининг ноқонуний айланиши учун жазони кучайтиришга қаратилган қонун қабул қилинди.
Қайд этилишича, 2021 йилдан 2023 йилгача бўлган даврда умумий қиймати салкам 2 миллиард сўмлик 300 минг донадан ортиқ пиротехника маҳсулотларини ноқонуний олиб киришга қаратилган 239 та уринишнинг олди олинди.
Янги қонун пиротехника маҳсулотларини ноқонуний ишлаб чиқариш, тайёрлаш, сақлаш, ташиш, жўнатиш, республикадан олиб чиқиш, шунингдек, ноқонуний сотиш ва олиб кириш учун маъмурий жазо чораларини кучайтиради.
Сенатнинг Мудофаа ва хавфсизлик масалалари қўмитаси масъул тузилмаларга сенаторлик сўрови юборди ҳамда пиротехника маҳсулотларини ноқонуний олиб киришнинг олдини олиш бўйича профилактика чора-тадбирларини кучайтириш юзасидан Давлат хавфсизлик хизмати Чегара қўшинларига тавсиялар берди.
Қонун сенаторлар томонидан бир овоздан маъқулланди.
If you have found a spelling error, please, notify us by selecting that text and pressing Ctrl+Enter.
Тавсиялар
Франция Украинага Россия ҳудудига SCALP ракеталари билан зарба беришга рухсат берганини тасдиқлади
Reuters: Украина Курск областида УҚК назорат қилган ҳудуднинг 40% дан ортиғини йўқотди
Украина Энергетика вазирлиги: Жорий ҳафтада ҳужумлар сабабли ЗАЭС икки марта “блэкаут” чегарасида қолди
АҚШ армиясининг собиқ офицери ва Россия тарғиботчиси Скотт Бенетт вафот этди
ДХХ раиси ўзгарди
USD
EUR
RUB
Шарҳлар