Ўзбекистонга қанча Германия ва Италия фуқаролари туристик мақсадларда келди

Статистика агентлиги маълумотларига кўра, 2024 йилнинг январь-июль ойларида 18,4 минг нафар Германия фуқаролари туристик мақсадларда Ўзбекистон Республикасига ташриф буюрган.

Бу кўрсаткич 2023 йилнинг мос даври билан солиштирилганда 4,3 минг нафарга ёки 30,9 % га ошган.

2024 йилнинг январ-июл ойларида Ўзбекистон Республикасига ташриф буюрган Германия фуқаролари сафар мақсадлари бўйича қуйидагича:

• дам олиш – 15 303 нафар;
• қариндошларни йўқлаш – 2 189 нафар;
• хизмат юзасидан – 846 нафар;
• тижорат – 44 нафар;
• ўқиш – 20 нафар;
• даволаниш – 7 нафар.

Шунингдек, 2024 йилнинг январ-июл ойларида 19,5 минг нафар Италия фуқаролари туристик мақсадларда Ўзбекистонга келган.

Бу кўрсаткич 2023 йилнинг мос даври билан солиштирилганда 8,5 минг нафарга ёки 77,2 % га ошган.

Уларнинг сафар мақсадлари бўйича тақсимоти қуйидагича:

• дам олиш – 17 767 нафар;
• хизмат юзасидан – 866 нафар;
• қариндошларни йўқлаш – 807 нафар;
• ўқиш – 68 нафар;
• тижорат – 9 нафар;
• даволаниш – 1 нафар.