Ўзгидромет декабрь ойининг иккинчи ярими учун прогнозларни эълон қилди

19 декабрда республиканинг шимолида ва чўл ҳудудларида, 20 декабрда марказий вилоятларда ва Фарғона водийси вилоятларида, шунингдек, декабрь ойининг охирги беш кунлиги айрим кунларида республика бўйича баъзи жойларда (1-2 кун) ёғингарчилик (ёмғир, қор) бўлиши мумкин. Бу ҳақда Ўзгидромет ахборот хизмати маълум қилди.

Ҳаво ҳарорати 18 декабрда кечаси 0-5° совуқ, кундузи 5-10° илиқ, 19-20 декабрда кечаси 3° совуқ-2° илиқ бўлади, кундузи 0-5° илиққача пасаяди.

21-31 декабрда ҳарорат кечалари 0-5° илиқдан 3-8° совуққача, кундуз кунлари 0-5° илиқдан 7-12° илиққача, шимолда кечалари 0-5° совуқдан 10-15° совуққача, кундуз кунлари 0-5° илиқдан 2-7° совуққача ўзгариб туриши кутилмоқда.

Ойлик об-ҳаво прогнозлари мунтазам равишда 2-6 кунлик прогнозлар билан янгиланиб борилади.