Хорижда ишлаб келган ўзбекистонлик меҳнат муҳожирлари орасида ОИТС кўпаймоқда

Республика ОИТСга қарши кураш маркази раҳбари Отабек Нурматов «Ҳуррият» газетасига билдиришича, 2012 йилда хорижда ишлаб келган фуқаролар орасида ОИТСга чалинган 272 нафар бемор аниқланган. 2013 йилда эса бу кўрсаткич 418 нафарни ташкил қилган, деб ёзади “12news” нашри.

«2014 йилда ОИВ инфекциясини юқтирганларнинг 53,6 фоизи эркаклар, 46,4 фоизи аёллар бўлган. 2013 йилда республика бўйича рўйхатга олинган беморларнинг 58,4 фоизи жинсий алоқа орқали, 27,8 фоизи парентерал (тери ва шиллиқ қаватлар) йўл билан, 13,8 фоизи вертикал йўл билан касалликни юқтирган», — дейди Нурматов.