АҚШ армияси 2024 йил январида уриб туширилган Россиянинг А-50У самолёти Patriot ЗРК билан уриб туширилгани айтмоқда
![patriot](https://anhor.uz/wp-content/uploads/2024/05/patriot_gettyimages_1240315482_8b2f61d6d940ad9a236aeb04e4bbd858_1200x675.jpg)
2024 йил январида Азов денгизи узра уриб туширилган Россиянинг А-50У узоқ масофали радиолокацион аниқлаш ва бошқарув самолётига АҚШнинг Patriot ҳаво мудофаа тизими билан ҳужум қилинган. Бу ҳақда АҚШ 10-армияси штаби бошлиғининг ёрдамчиси полковник Розанна Клементе май ойида Оклахомада ўтган Fires Symposium 2024 конференциясида маълум қилди. Бугун унинг сўзларига Россиянинг урушни ёритувчи телеграм-каналлари эътибор қаратди.
Клементенинг айтишича, Украина қуролли кучлари ҳаво ҳужумидан мудофаа тизимларини юк машиналарига ўрнатган ва уларни бевосита жанг чизиғига яқинлаштирган. Шундай қилиб, украин қўшинлари SAMBush деб аталадиган яъни “ер-ҳаво” ракеталари ёрдамида махфий ҳужумдан фойдаланган.
“Бу тизим (Patriot) имкониятлари уларга январь ойида Россиянинг А-50У самолётини уриб туширишга имкон берди”, – деди у.
Клементенинг гапларига Давлат Думасининг мудофаа қўмитаси раиси Андрей Картаполов муносабат билдирди. “Нима дедингиз? Бизни ҳеч кимни уриб туширмаган… Хусусан, америкаликлар бизнинг самолётни уриб тушира олмайди”, – деди у “Вы слушали Маяк” эфирида.
Россияга тегишли А-50У самолётининг йўқ қилингани ҳақида, жумладан “Рибар” ҳарбий телеграм-канали хабар берган эди. Уларнинг маълумотига кўра, қулаш сабаби Россия ҳаво ҳужумидан мудофаа кучларининг “дўстона зарбаси” бўлиши мумкин. Россия Мудофаа вазирлиги бу хабарларга муносабат билдирмаган.
If you have found a spelling error, please, notify us by selecting that text and pressing Ctrl+Enter.
Шарҳлар