AirPods қулоқчинлари ўғирланган 575 минг долларлик спорткар ва жиноятчини топишга ёрдам берди
АҚШ полицияси эгаси салонда қолдирган AirPods қулоқчинлари туфайли 2023 йилда чиқарилган қиймати 575 минг долларлик ўғирланган Ferrari автомобилини топди. Бу ҳақда Apple Insider портали хабар беради.
Полиция қулоқчинларни ёқилғи қуйиш шохобчасигача кузатиб борган. Гумонланувчи қочишга муваффақ бўлган бўлса-да, унинг шахси бошқа йўқолган қурилма – шахсий iPhone орқали тезда аниқланган, у машинадан чиқиб кетаётганида уни тушириб қолдирган. Жиноятчи Уотерберилик 22 ёшли Дион Шонттен эканлиги аниқланган, у ҳибсга олинган ва транспорт воситасини ўғирлашда айбланган.
Унинг шериги 19 ёшли Кион Вебстер ҳам ҳибсга олинган. Тергов натижаларига кўра, иккала гумондор ҳам ўғирланган машинани навбатма-навбат бошқарган. Уотербери полицияси бошлиғи Фернандо Спаньолонинг таъкидлашича, Вебстерда аллақачон автоуловларни ўғирлаш ва бошқа жиноятлар билан боғлиқ еттита айблов бор.
Қайд этилишича, автомобиль эгаси салонда қолдирган наушниклар автомобиль ўғрисининг iPhone қурилмаси ёнида бўлгани туфайли уларнинг аниқ геолокациясини “Локатор” иловасига жўнатишда ёрдам берган, бу эса Ferrari автомобилини топишга ёрдам берган.
If you have found a spelling error, please, notify us by selecting that text and pressing Ctrl+Enter.
Тавсиялар
Россия Днепрга отган янги “Орешник” ракетаси тўғрисида нималар маълум?
“Биз Россия билан уруш қиляпмизми?” —радио тингловчилар бу ҳақда Буюк Британия бош вазиридан сўрашди
АҚШ махсус хизматлари мамлакатнинг мудофаа корхоналарида қўпорувчилик ҳаракатлари содир этилишидан хавотирда
Орбан Халқаро жиноий суднинг Нетаньяхуни ҳибсга олишга берган ордерини “беадаблик” деб атади
Ослода АҚШ элчихонасининг қўриқчиси Россия ва Эрон фойдасига жосуслик қилишда гумон қилиниб ҳибсга олинди
USD
EUR
RUB
Шарҳлар