Амур областида шахта қулаши сабаб 13 киши қидирилмоқда

Душанба кунидан бери кондаги тош массаси қулаши натижасида ғойиб бўлган Амур областидаги “Пионер” конининг кончилари тақдири номаълум.

Қулаш вақтида 13 киши тахминан 125 метр чуқурликда бўлган, улар билан ҳозирча алоқа йўқ, дейилади област ҳукумати баёнотида. Вайроналар ҳажми 9 минг куб метрга баҳоланмоқда, деб ёзади “ТАСС”.

Шамоллатиш қиялик бўйлаб корхонанинг мина қутқарувчилар гуруҳи юборилиб, транспорт қияликларини тозалаш ишлари бошланган. Сешанба куни эрталаб Россия Фавқулодда вазиятлар вазирлигининг тоғ-қутқарув взводининг 25 нафар ходими маҳаллий қутқарувчиларга ёрдам бериш учун етиб келган.

Қутқарувчиларнинг яна бир гуруҳи Хабаровск ўлкасидан вертолётда учиб кетди.

Амур областида минтақавий фавқулодда ҳолат режими жорий этилган. Тергов қўмитаси жиноий иш қўзғатган.

Олтин қазиб олинадиган “Пионер” кони Урал кон-металлургия компанияси (УММC) гуруҳига киради, деб ёзади “Интерфакс”.