Бельгия 2024 йил охиригача Украинага F-16 самолётларини ва ҳаво ҳужумидан мудофаа воситаларини етказиб беришни режалаштирмоқда

Бельгия Украинага F -16 самолётлари, ҳаво ҳужумидан мудофаа тизимлари ва ракеталарини 2024 йил охиригача “иложи борича тезроқ” етказиб беради, дея хабар беради Бельгия бош вазири Александр Де Кроо ва қироллик мудофаа вазири Людивин Дедондер Брюсселдаги матбуот анжуманида. Улар етказиб берилаётган самолётлар ва ҳаво мудофаа тизимларининг аниқ сонини айтмади.

“Биз F-16 самолётларимизни имкон қадар тезроқ Украинага етказиб беришга қарор қилдик, трансфер жорий йилнинг охиригача бошланади”, – деди Де Кроо. Ўз навбатида, мудофаа вазири Людивин Дедондер ўша матбуот анжуманида етказиб бериш “[қиролликнинг] ўз мудофаа қобилиятига путур етказмаслиги учун [АҚШдан] янги F-35 самолётларини олишни ҳисобга олган ҳолда амалга оширилишини маълум қилди. У Брюсселнинг бундай қарорига «Россия армиясининг янги ҳужуми» туртки бўлган.

“Бельгия Дания ва Нидерландия билан биргаликда Украинага самолётлар етказиб бериш бўйича коалицияда фаол иштирок этмоқда. Қироллик Данияда украиналик учувчилар ва авиатехникларни тайёрлаш бўйича жадал ишларни давом эттирмоқда”, – дея давом этади у.

“Ҳукумат, шунингдек, яқин келажакда Украинага ҳаво мудофаа тизимларини етказиб бериш бўйича Германия ташаббусига қўшилиш учун 200 миллион евро ажратишга қарор қилди”, — дея қўшимча қилади Дедондер.

«Хавфсизлик нуқтаи назаридан, мен қўшимча маълумот бера олмайман», – дея хулоса қилади Бельгия мудофаа вазири.