Финляндия президенти Украинадаги урушни битта қўнғироқ билан тугатиш усулини айтди
Хитой, агар истаса, Россия-Украина низосига нуқта қўйиши мумкин, дея маълум қилди Финляндия президенти Александр Стубб Bloomberg нашрига берган интервьюсида.
“Россия ҳозир Хитойга жуда боғлиқ бўлиб қолган. Раис Си Цзиньпиндан битта телефон қўнғироғи бу инқирозни ҳал қилган бўларди”, — деди сиёсатчи.
Унинг фикрича, агар Си Цзиньпин тинчлик музокаралари учун вақт келганини айтганида, “Россия буни амалга оширишга мажбур бўларди”.
Россия ҳукумати музокараларни бошлаш учун Украинага нисбатан бир қатор шартларни илгари сурмоқда, булар — Украина қўшинларининг Донбасс, Херсон ва Запорожье вилоятларидан олиб кетилиши, Киевнинг ушбу ҳудудлардан расман воз кечиши, Россияга қарши халқаро санксияларнинг бекор қилиниши, бетараф ва ядросиз мақомнинг мустаҳкамланиши, шунингдек, Украинанинг қуролсизлантирилиши ва “денатсификация” қилиниши. Москва Киев мулоқотдан бош тортаётганини даъво қилмоқда.
Украина президенти Владимир Зеленский илгари сурилган таклифларни ультиматум деб ҳисоблади, аммо агар Россия ўз қўшинларини олиб кетса, тезкорлик билан музокараларга киришишга ваъда берди.
If you have found a spelling error, please, notify us by selecting that text and pressing Ctrl+Enter.
Тавсиялар
Лейбористлар раҳбари Кир Стармер Буюк Британия бош вазири бўлди
Ўзбекистонда депутатлар ва сенаторларнинг бошқа давлатларда яшаш учун рухсатномаси бўлиши тақиқланди
Самарқандда автомобиль етти ёшли болани уриб юборди
Қирғизистон махсус хизмати ҳокимиятни куч билан олишга уринишнинг олдини олди
Ростов вилоятида ҳарбий вертолёт фавқулодда далага қўниши ортидан ёнғинга сабаб бўлди
USD
EUR
RUB
Шарҳлар